ایران کے سپریم لیڈر کی جنگ کی دھمکی کے بعد ٹرمپ ایران کے ساتھ معاہدے پر پرامید

ایران کے سپریم لیڈر آیت اللہ خامنہ ای کی جانب سے علاقائی جنگ کی دھمکی کے بعد امریکی صدر ڈونلڈ ٹرمپ نے کہا ہے کہ وہ ایران کے ساتھ معاہدہ طے پانے کے حوالے سے پُرامید ہیں۔

صحافیوں سے گفتگو کرتے ہوئے صدر ٹرمپ نے آیت اللہ خامنہ ای کے بیان پر ردعمل دیتے ہوئے کہا کہ “خامنہ ای علاقائی جنگ کی بات کیوں نہ کریں گے، ظاہر ہے وہ ایسا کہیں گے۔ مذاکرات ناکام ہوئے تو دیکھیں گے کہ خامنہ ای ٹھیک کہہ رہے تھے یا نہیں۔”

صدر ٹرمپ نے مزید کہا کہ “ہم امید کرتے ہیں کہ ایک معاہدہ کر لیں گے”، اور اس بات پر زور دیا کہ ڈپلومیسی اور بات چیت کے ذریعے مسائل کو حل کرنا ممکن ہے