ٹرمپ نےمغربی کنارے پراسرائیلی قبضے کی مخالفت کردی، برطانیہ کا بھی اظہارمذمت

امریکی صدر ڈونلڈ ٹرمپ نے مغربی کنارے پر اسرائیلی قبضےکی مخالفت کر دی۔میڈیارپورٹس کے مطابق وائٹ ہاؤس کی جانب سے بتایاگیاہے کہ صدر ٹرمپ مغربی کنارے پر اسرائیلی قبضے کے مخالف ہیں ۔فلسطینی علاقوں میں استحکام خطے میں قیام امن کے امریکی ہدف کے مطابق ہے۔

دوسری جانب برطانوی حکومت کے جاری بیان میں کہا گیا کہ مغربی کنارے پر قبضے کو وسعت دینے کے اسرائیلی کابینہ کے فیصلےکی مذمت کرتے ہیں، فلسطین کی جغرافیائی ساخت کو یکطرفہ طور پر تبدیل کرنے کی کوشش ناقابل قبول ہے۔

برطانوی حکومت کا کہنا ہے کہ ایسی کوئی بھی کوشش بین الاقوامی قوانین سے متصادم ہوگی، اسرائیل سے مطالبہ کرتے ہیں کہ وہ ان فیصلوں کو فوری طور پر واپس لے۔