امریکی صدر ٹرمپ آج قطری وزیرِاعظم سے وائٹ ہاؤس میں ملاقات کریں گے

امریکی صدر کے دفتر نے تصدیق کی ہے کہ صدر ڈونلڈ ٹرمپ آج وائٹ ہاؤس میں قطر کے وزیراعظم محمد بن عبدالرحمن آل ثانی سے ایک اہم ملاقات کریں گے۔ وائٹ ہاؤس کی جانب سے جاری بیان میں اس اچانک طے پانے والی ملاقات کے ایجنڈے کے بارے میں تفصیلات فراہم نہیں کی گئیں، تاہم گزشتہ کچھ ہفتوں کے دوران قطر، واشنگٹن اور تہران کے مابین ایک کلیدی ثالث کے طور پر ابھرا ہے جہاں دونوں جانب سے مختلف مسودوں اور پیغامات کا تبادلہ کیا جا رہا ہے۔ اس سفارتی پیشرفت کے تناظر میں تہران کے حکام نے واضح کیا ہے کہ “اسلام آباد مفاہمتی یادداشت” میں شامل 7 شرائط کی منظوری اور آبنائے ہرمز کو دوبارہ کھولنا کسی بھی نئے مذاکراتی عمل کی پیشگی شرط ہوگی۔ دوسری جانب امریکی وزیرِ خارجہ مارکو روبیو نے ایرانی مطالبات کی اس شرط کو نامناسب اور ناقابلِ قبول قرار دے کر شدید تنقید کا نشانہ بنایا ہے۔