چین کے ساتھ تعاون پر امریکی صدر ٹرمپ کی کینیڈا پر شدید تنقید

امریکی صدر ڈونلڈ ٹرمپ نے چین کے ساتھ تعاون پر کینیڈا کو شدید تنقید کا نشانہ بنایا ہے۔

اپنے بیان میں صدر ٹرمپ نے دعویٰ کیا کہ بیجنگ پہلے ہی سال میں کینیڈا کو نگل لے گا۔ انہوں نے کہا کہ کینیڈا گرین لینڈ پر گولڈن ڈوم کی تعمیر کے خلاف ہے، حالانکہ یہ ڈوم کینیڈا کو تحفظ فراہم کرے گا۔

صدر ٹرمپ کا کہنا تھا کہ کینیڈا نے چین کے ساتھ کاروبار کرنے کے حق میں ووٹ دیا، جو اس کے مستقبل کے لیے خطرناک ثابت ہو سکتا ہے۔

امریکی صدر کے ان بیانات کے بعد امریکا اور کینیڈا کے تعلقات میں نئی کشیدگی پر عالمی مبصرین کی جانب سے تشویش کا اظہار کیا جا رہا ہے۔