امریکا میں مہنگائی اور قیمتوں میں نمایاں کمی آئی: صدر ڈونلڈ ٹرمپ

امریکی صدر ڈونلڈ ٹرمپ نے دعویٰ کیا ہے کہ امریکا میں مہنگائی اور قیمتوں میں نمایاں کمی آئی ہے اور ملک پہلے سے زیادہ مضبوط اور خوشحال ہو چکا ہے۔

ٹروتھ سوشل پر جاری بیان میں صدر ڈونلڈ ٹرمپ نے کہا کہ سٹاک مارکیٹ اور ریٹائرمنٹ فنڈز میں اضافہ ہوا ہے جبکہ قانون نافذ کرنے والے ادارے مؤثر انداز میں کام کر رہے ہیں۔

انہوں نے مزید کہا کہ امریکی سرحدیں محفوظ ہیں اور جرائم و قتل کی شرح تاریخ کی کم ترین سطح پر پہنچ چکی ہے۔

صدر ٹرمپ کا کہنا تھا کہ ان کی پالیسیوں کے نتیجے میں امریکی معیشت مستحکم ہوئی ہے اور عوام کو مثبت نتائج مل رہے ہیں۔