معروف ٹک ٹاکر عائشہ گیلامنہ مسلح افراد کی فائرنگ سے جاں بحق

ٹیکسلا بائی پاس کے قریب موٹر سائیکل سوار نامعلوم مسلح افراد نے ایک گاڑی پر فائرنگ کر دی، جس کے نتیجے میں معروف ٹک ٹاکر 28 سالہ شمسو عرف عائشہ گیلامنہ موقع پر ہی جاں بحق جبکہ ان کی 15 سالہ بہن شدید زخمی ہو گئیں۔ ابتدائی اطلاعات کے مطابق مقتولہ اپنی بہن کے ہمراہ ٹیکسلا سے راولپنڈی جا رہی تھیں کہ حملے کا نشانہ بنیں۔ شدید زخمی بہن کو فوری طور پر طبی امداد کے لیے پمز ہسپتال اسلام آباد منتقل کر دیا گیا ہے۔ پولیس نے واقعے کی تحقیقات شروع کر دی ہیں اور ملزمان کی گرفتاری کے لیے تلاش جاری ہے، تاہم قتل کی وجوہات کا فی الحال تعین نہیں ہو سکا ہے۔