تین خواتین کی لاشیں ملنے کا معاملہ ،مقدمہ سرکاری مدعیت میں درج

کراچی کے علاقے گلشن اقبال میں فلیٹ سے تین خواتین کی لاشیں ملنے کے افسوسناک واقعے کا مقدمہ سرکاری مدعیت میں درج کرلیا گیا ہے۔ پولیس کے مطابق واقعہ مشکوک نوعیت کا ہے اور فلیٹ کو سیل کرکے شواہد اکٹھے کرلیے گئے ہیں، جبکہ مرنے والی خواتین کی شناخت بھی کرلی گئی ہے۔ ابتدائی پوسٹ مارٹم رپورٹس میں لاشوں پر کسی قسم کے تشدد کے نشانات نہیں ملے، تاہم موت کی اصل وجہ جاننے کے لیے کیمیکل ایگزامینیشن رپورٹ کا انتظار کیا جا رہا ہے۔