مشی گن میں دہشت گردی کی منصوبہ بندی ناکام، دو مشتبہ افراد گرفتار

امریکی ریاست مشی گن میں دہشت گردی کی ایک بڑی منصوبہ بندی ایف بی آئی کی بروقت کارروائی سے ناکام بنا دی گئی۔ حکام کے مطابق کارروائی کے دوران دو مشتبہ افراد کو حراست میں لے لیا گیا۔
ایف بی آئی کے مطابق ملزمان 2015 میں پیرس میں ہونے والے داعش کے حملے کی طرز پر حملے کی منصوبہ بندی کر رہے تھے۔ ان کے قبضے سے متعدد اے آر-15 رائفلز اور منصوبہ بندی سے متعلق دستاویزات برآمد ہوئیں۔ رپورٹ کے مطابق ملزمان ہیلووین کے موقع پر دہشت گرد حملہ کرنے کی تیاری کر رہے تھے۔
امریکی میڈیا کے مطابق دونوں ملزمان کو مشی گن کی مقامی عدالت میں پیش کیا گیا ہے، جہاں ان پر دہشت گردی کی منصوبہ بندی کا مقدمہ چلایا جا رہا ہے۔ جرم ثابت ہونے کی صورت میں دونوں کو پندرہ سال تک قید کی سزا سنائی جا سکتی ہے