تربیلا ڈیم کے سپل ویز کھول دیے گئے: دریائے سندھ میں 245,000 کیوسِک تک بہاؤ کا امکان،

تربیلا ڈیم کے سپل ویز کھول دیے گئے ہیں جس کے باعث دریائے سندھ میں پانی کے بہاؤ میں شدید اضافے کا خدشہ ظاہر کیا جا رہا ہے۔ نیشنل ڈیزاسٹر مینجمنٹ اتھارٹی (NDMA) کی جانب سے جاری کردہ الرٹ کے مطابق سپل ویز کھلنے سے پانی کا بہاؤ 220,000 سے 245,000 کیوسِک تک پہنچنے کا امکان ہے۔ NDMA نے دریائے سندھ کے ملحقہ اور نشیبی علاقوں کے مکینوں کو آبی گزرگاہوں کے قریب جانے سے گریز کرنے اور انتہائی محتاط رہنے کی ہدایت کی ہے۔ ادارے نے عوام سے اپیل کی ہے کہ کسی بھی ناگہانی صورتحال سے نمٹنے اور بحفاظت انخلاء کے لیے مقامی انتظامیہ کے ساتھ مکمل تعاون کو یقینی بنائیں