سوات: اویشہ میں گرنیڈ دھماکے میں 7 سالہ بچہ جاں بحق، 8 سالہ بچی زخمی

سوات: تحصیل مٹہ کے علاقے اویشہ میں کچرے کے ڈھیر میں پڑے گرنیڈ کے پھٹنے سے زور دار دھماکہ ہوا، جس کے نتیجے میں 7 سالہ عبدالہادی جاں بحق اور 8 سالہ بچی مدیحہ شدید زخمی ہو گئی۔

پولیس کے مطابق بچے کچرے کے ڈھیر کے قریب کھیل رہے تھے کہ اچانک گرنیڈ پھٹ گیا۔ جاں بحق بچے کی لاش اور زخمی بچے کو فوری طور پر تحصیل ہیڈکوارٹر اسپتال (ٹی ایچ کیو) منتقل کر دیا گیا۔

واقعے کے بعد پولیس اور ریسکیو ٹیمیں فوری طور پر جائے وقوعہ پر پہنچ گئیں اور علاقے میں بھاری نفری تعینات کر دی گئی ہے۔ پولیس مزید تفتیش کر رہی ہے تاکہ گرنیڈ کس طرح آیا اور اس واقعے کے تمام پہلو سامنے آ سکیں۔