صرحا اصغر تیسری بار ماں بن گئیں، بیٹی کی تصویر شیئر

پاکستانی ڈرامہ انڈسٹری کی مقبول اداکارہ صرحا اصغر نے اپنے گھر ننھی پری کی آمد کی خوشخبری مداحوں کے ساتھ شیئر کر دی ہے۔ صرحا اصغر، جو اپنی جاندار اداکاری اور سوشل میڈیا پر فعال رہنے کی وجہ سے پہچانی جاتی ہیں، نے اپنی بیٹی کے استقبال کے لیے ایک خاص اور خوبصورت تھیمڈ فوٹو شوٹ کروایا۔ اداکارہ نے اپنے شوہر لالہ عمر مرتضیٰ اور بیٹے ایہان مرتضیٰ کے ہمراہ فیملی فوٹو شوٹ کی تصاویر شیئر کیں، جس میں پوری فیملی سرخ اور سیاہ رنگ کے میچنگ لباس میں نہایت پرکشش نظر آئی۔ صرحا نے اپنی بیٹی کا نام ‘الازنے مرتضیٰ’ (جسے کچھ ذرائع ‘علیین’ بھی لکھ رہے ہیں) دنیا سے متعارف کراتے ہوئے اسے اپنے خاندان کے لیے اللہ کی خاص رحمت قرار دیا ہے۔ سوشل میڈیا پر تصاویر وائرل ہوتے ہی مداحوں اور شوبز ستاروں کی جانب سے مبارکبادوں کا تانتا بندھ گیا۔ اداکارہ مریم نفیس نے دعا دیتے ہوئے کہا کہ “اللہ نصیب اچھے کرے”، جبکہ شازیہ وجاہت، زرناب فاطمہ اور دیگر شخصیات نے بھی صرحا کو زندگی کے اس نئے اور خوبصورت مرحلے پر ڈھیروں دعائیں اور مبارکباد پیش کی۔واضح رہے کہ صرحا اصغر اور عمر مرتضیٰ 2020 میں رشتہ ازدواج میں منسلک ہوئے تھے، ان کا ایک بیٹا ایہان مرتضیٰ ہے جس کی پیدائش 2022 میں ہوئی تھی، اور اب بیٹی کی پیدائش کے بعد ان کا خاندان مکمل ہو گیا ہے۔