LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا پاسداران انقلاب کی قدس فورس کے کمانڈر عراقی ملیشیا کا تنازع حل کرانے عراق پہنچ گئے دبئی میں تین روزہ عالمی کانفرنس، فوڈ سیفٹی کیلئے جدید سائنسی اقدامات پر تبادلہ خیال نیتن یاہو کی حکومت کے خاتمے کی راہ مزید ہموار، حزب اختلاف کے متان کہانا سپیکر منتخب امریکی سینیٹ کمیٹی نے نئے امریکی جوہری بم بی 94 کا نام ظاہر کردیا امریکی سکیورٹی ایجنسی کا انتہائی حساس اندرونی مواصلاتی نیٹ ورک فنی خرابی کے باعث بند روس کا فوجی مال بردار طیارہ سائبیریا میں گر کر تباہ، 19 افراد ہلاک پوتن، ٹرمپ اور شی جن پنگ کی ملاقات کا کچھ حصہ میڈیا کیلئے کھولا جاسکتا ہے، کریملن

شہری کو ہراساں کرنے سے متعلق درخواست پر آئی جی سندھ، ایڈیشنل آئی جی سمیت دیگر کو نوٹس جاری

Web Desk

2 July 2026

سندھ ہائیکورٹ نے جعلسازوں کی مبینہ سرپرستی کرنے اور مقدمے کے درخواست گزار کو پولیس کی جانب سے دھمکیاں دینے اور ہراساں کیے جانے کے سنگین الزامات پر آئی جی سندھ، ایڈیشنل آئی جی کراچی اور دیگر اعلیٰ پولیس حکام کو باضابطہ نوٹسز جاری کر دیے ہیں۔

عدالتِ عالیہ نے یہ نوٹسز شہری ساجد معروف کی درخواست پر سماعت کرتے ہوئے جاری کیے۔ جن دیگر شخصیات اور افسران کو نوٹس جاری کیے گئے ہیں ان میں ڈی آئی جی کرائم انویسٹی گیشن، ایس ایس پی کورنگی قیص خان، انویسٹی گیشن آفیسر (IO) عباد حیدر، کامران آفتاب اور عباس بٹ شامل ہیں۔

عدالت میں دائر درخواست کے مطابق، درخواست گزار ساجد معروف نے کامران آفتاب نامی شخص کو 2 کروڑ روپے مالیت کا قیمتی کیمیکل مواد فراہم کیا تھا۔ اس کے بدلے کامران آفتاب نے عباس بٹ کے ذریعے 90 لاکھ روپے کا ایک پے آرڈر دیا، جو بینک میں جمع کروانے پر مبینہ طور پر جعلی ثابت ہوا۔ اس جعلسازی کے خلاف زمان ٹاؤن تھانے میں باقاعدہ مقدمہ بھی درج ہے۔

درخواست گزار کا الزام ہے کہ متعلقہ پولیس افسران قانون کا ساتھ دینے اور منصفانہ کارروائی کرنے کے بجائے الٹا ملزمان کی سرپرستی کر رہے ہیں اور کیس کے اہم شواہد مٹانے کی مسلسل کوششیں کی جا رہی ہیں۔

درخواست گزار کی وکیل بشریٰ عباس ایڈووکیٹ نے دورانِ سماعت عدالت کو بتایا کہ قانون کے مطابق تفتیش کسی غیر جانبدار پولیس افسر کو منتقل ہونی چاہیے تھی، لیکن ایسا کرنے کے بجائے پولیس کی جانب سے ان کے موکل کو سنگین دھمکیاں دی جا رہی ہیں۔ انہوں نے عدالت کو مطلع کیا کہ درخواست گزار اور اس کے اہل خانہ کو پولیس اور ملزمان کی ملی بھگت سے مسلسل ہراساں کیا جا رہا ہے جس سے ان کی جان کو خطرہ ہے۔

درخواست میں سندھ ہائیکورٹ سے استدعا کی گئی ہے کہ درخواست گزار اور اس کے خاندان کو فوری طور پر فول پروف سکیورٹی اور تحفظ فراہم کیا جائے اور جعلی پے آرڈر کے اس پورے معاملے کی کسی ایماندار افسر سے شفاف اور غیر جانبدارانہ تحقیقات کرائی جائیں۔