’’پیسہ صرف آمدنی نہیں، عزت بھی دلاتا ہے‘‘: شہناز گل

بالی ووڈ اداکارہ شہناز گل نے کہا ہے کہ ہر فنکار کو اپنی محنت اور قابلیت کے مطابق مناسب معاوضہ مانگنے میں کوئی ہچکچاہٹ نہیں ہونی چاہیے کیونکہ مالی استحکام انسان کو عزت و وقار فراہم کرتا ہے۔ بھارتی میڈیا کو دیے گئے ایک انٹرویو میں انہوں نے انکشاف کیا کہ کیریئر کے ابتدائی دور میں انہوں نے بغیر معاوضے کے بھی کام کیا لیکن انہیں وہ احترام نہیں ملا جس کی وہ حقدار تھیں۔ اداکارہ کا کہنا تھا کہ اس تلخ تجربے کے بعد انہوں نے سیکھا کہ اپنے حق کے لیے آواز اٹھانا بے حد ضروری ہے۔ انہوں نے دیگر فنکاروں کو بھی مشورہ دیا کہ وہ اپنی محنت کی قدر کریں اور جائز حقوق اور معاوضے کے لیے ڈٹ کر مؤقف اختیار کریں