ملک سے دہشتگردی کے ناسور کے مکمل خاتمے تک جدوجہد جاری رہے گی: شزہ فاطمہ

وفاقی وزیر شزہ فاطمہ خواجہ نے سوات کے علاقے کبل میں ہونے والے خودکش دھماکے کی شدید الفاظ میں مذمت کی ہے۔

وفاقی وزیر نے اپنے جاری کردہ تعزیتی بیان میں درج ذیل جذبات و عزم کا اظہار کیا۔  انہوں نے دھماکے میں ہونے والے جانی نقصان پر گہرے غم و اندوہ کا اظہار کیا اور جاں بحق افراد کے لواحقین سے دلی تعزیت کی۔  وفاقی وزیر نے شہداء کے درجات کی بلندی، غمزدہ خاندانوں کے لیے صبرِ جمیل اور واقعے میں زخمی ہونے والے افراد کی جلد و مکمل صحت یابی کے لیے دعا کی۔ شزہ فاطمہ خواجہ نے واضح کیا کہ دہشت گردی کے خلاف پوری قوم متحد ہے اور ملک سے اس ناسور کے مکمل خاتمے تک جدوجہد بلا تعطل جاری رہے گی۔