شہود علوی کے گھریلو خواتین سے متعلق تبصرے پر بحث چھڑ گئی
Web Desk
11 August 2026
پاکستان کے معروف سینئر اداکار و ہدایتکار شہود علوی کے گھریلو خواتین کے حوالے سے دیے گئے ایک حالیہ بیان نے سوشل میڈیا پر ایک نئی بحث چھیڑ دی ہے۔ شہود علوی نے ندا یاسر کے مارننگ شو ‘گڈ مارننگ پاکستان’ میں اداکارہ لیلیٰ زبیری اور فہیمہ اعوان کے ہمراہ شرکت کی، جہاں انہوں نے میاں بیوی کے تعلقات اور ازدواجی زندگی میں پیش آنے والے مسائل پر گفتگو کی اور خواتین سے متعلق چند متنازع باتیں کہیں۔
گفتگو کے دوران شہود علوی نے کہا کہ اکثر اوقات شوہروں کی دفتر کی مصروفیات اور باہر کے ماحول کی وجہ سے ان کی توجہ بیوی سے ہٹ جاتی ہے۔ انہوں نے اعتراض اٹھاتے ہوئے کہا کہ گھر میں موجود خواتین کے لباس یا جسم سے کھانے پکانے میں استعمال ہونے والی ادرک اور لہسن کی بو آرہی ہوتی ہے، جبکہ اس کے برعکس دفتر میں ارد گرد موجود خواتین اچھے پرفیومز لگائے ہوتی ہیں۔ انہوں نے خواتین کو مشورہ دیا کہ وہ شوہروں کی توجہ برقرار رکھنے کے لیے ان کی پسند کا کھانا بنائیں اور شوہر کے گھر لوٹنے سے پہلے خود کو اچھی طرح تیار کریں۔
شو کے دوران جب اداکارہ فہیمہ اعوان نے ازدواجی مسائل کے حل کے لیے ‘کپل تھراپی’ کی اہمیت پر بات کی، تو شہود علوی نے جملہ کس تے ہوئے کہا کہ کہیں ایسا نہ ہو کہ تھراپسٹ بیوی کو ہی اپنے ساتھ لے جائے۔ اس کے علاوہ انہوں نے اپنی اہلیہ کو ڈرائیونگ، شاپنگ اور بلوں کی ادائیگی سکھانے کے اپنے ذاتی تجربات کا بھی ذکر کیا۔ اداکار کا یہ بیان سامنے آتے ہی سوشل میڈیا صارفین نے گھریلو خواتین کے کام کو سراہنے کے بجائے اس طرح کا موازنہ کرنے پر اداکار کو شدید تنقید کا نشانہ بنایا ہے۔
متعلقہ عنوانات
ٹک ٹاکر کی مہندی تقریب میں دو افراد کی ہلاکت کیس میں اہم پیشرفت
21 November 2026
حنا جاوید قتل کیس: پولیس نے چالان میں گھریلو ملازم ذیشان کو مرکزی ملزم قرار دے دیا
21 November 2026
روسی وزارت خارجہ کی پریس بریفنگ میں پاکستانی اداکارہ دنانیر مبین کی کامیابی کا خصوصی ذکر
21 November 2026
سینئر اینکر پرسن ربیعہ احسن قتل کیس، ملزم احسن طاہر اڈیالہ جیل سے رہا
20 November 2026
شازیہ منظور کی جائیداد پر مبینہ قبضے کی کوشش، 2 ملزمان گرفتار
20 November 2026
مس یونیورس ویتنام سے 48 روز بعد ہی تاج واپس لے لیا گیا
20 November 2026
عالمی آرٹ میلے میں پاکستانی ثقافت کی نمائندگی، گلوکار عظیم ڈار کو گیسٹ آف آنر کا اعزاز
20 November 2026
گلوکارہ شازیہ منظور کے گھر مسلح افراد کا حملہ، جان سے مارنے کی دھمکیاں
19 November 2026