قومی فاسٹ بولر شاہین شاہ آفریدی انجری سے تیزی سے صحتیاب

قومی فاسٹ بولر شاہین شاہ آفریدی انجری سے تیزی سے صحتیابی کی طرف گامزن ہیں۔ ذرائع کے مطابق شاہین نے آج سے لاہور کرکٹ کمپلیکس اکیڈمی (LCCA) میں دوبارہ باولنگ کا آغاز کر دیا ہے۔

شاہین شاہ آفریدی گزشتہ روز لاہور پہنچے اور دو روز میں ان کا فٹنس ٹیسٹ متوقع ہے۔ ذرائع کے مطابق شاہین کسی بھی قیمت پر ورلڈ کپ سے قبل اپنی فٹنس پر سمجھوتہ نہیں کرنا چاہتے۔

ان کے فٹنس ٹیسٹ کے نتائج کے بعد ہی آسٹریلیا سیریز میں کھیلنے کا حتمی فیصلہ کیا جائے گا۔