شاہین شاہ آفریدی کا نیشنل کرکٹ اکیڈمی میں ری ہیب جاری

بگ بیش لیگ کے دوران انجری کا شکار ہونے والے پاکستان کے فاسٹ باؤلر شاہین شاہ آفریدی کا نیشنل کرکٹ اکیڈمی لاہور میں ری ہیبلیٹیشن کا عمل جاری ہے۔ پاکستان کرکٹ بورڈ کے مطابق شاہین شاہ آفریدی این سی اے میں میڈیکل ٹیم کی نگرانی میں ری ہیب کر رہے ہیں۔

پی سی بی کے مطابق آسٹریلیا سے واپسی پر میڈیکل ٹیم نے شاہین شاہ آفریدی کے گھٹنے کا تفصیلی معائنہ کیا تھا، جس کے بعد انہیں احتیاطی طور پر نیشنل کرکٹ اکیڈمی میں ری ہیب کیلئے واپس بلایا گیا۔ بورڈ حکام کا کہنا ہے کہ شاہین کی بحالی کا عمل منصوبہ بندی کے تحت جاری ہے اور ان کی فٹنس کا باقاعدہ جائزہ لیا جا رہا ہے۔