سینیٹ اجلاس: 27ویں آئینی ترمیم پر قائمہ کمیٹی کی رپورٹ پیش

اسلام آباد: سینیٹ کے اجلاس میں قائمہ کمیٹی برائے قانون و انصاف کی رپورٹ پیش کی گئی، جس میں 27ویں آئینی ترمیمی بل پر تفصیلی غور و خوض کیا گیا۔ رپورٹ سینیٹر فاروق ایچ نائیک نے ایوان میں پیش کی اور بتایا کہ کمیٹی نے بل میں کئی اہم تبدیلیاں کی ہیں۔

سینیٹر فاروق ایچ نائیک کے مطابق، بل میں وفاقی آئینی عدالت کے قیام کی تجویز دی گئی ہے، اور کمیٹی نے ممبران کے علاوہ خصوصی دعوت پر دیگر ارکان کو بھی اجلاس میں بلایا۔ انہوں نے بتایا کہ ترمیم میں ججز کی خودکار ریٹائرمنٹ ختم کر دی گئی ہے اور اب سپریم جوڈیشل کونسل فیصلے کرے گی۔

رپورٹ میں کہا گیا کہ صدر کو تاحیات استثنیٰ دیا گیا ہے، تاہم اگر صدر انتخاب لڑ کر پبلک آفس ہولڈر بنتا ہے تو استثنیٰ ختم ہو جائے گا اور پبلک آفس کے ختم ہونے کے بعد امیونٹی بحال ہو جائے گی۔

فاروق ایچ نائیک نے مزید بتایا کہ غیر منتقلی یا ٹرانسفر تسلیم نہ کرنے والے جج کے خلاف ریفرنس دائر کیا جائے گا، جبکہ آئینی ترمیم میں عدلیہ کی آزادی اور احتساب کے درمیان توازن کو مدنظر رکھا گیا ہے۔

چیئرمین سینیٹ یوسف رضا گیلانی نے اپوزیشن کو ایوان میں واپس لانے کی ہدایت کی جس کے بعد پی ٹی آئی کے ارکان اجلاس میں شریک ہو گئے۔ کمیٹی نے آئینی ترمیم پر اتفاق رائے کے ساتھ پیش رفت کرنے کا بھی اعلان کیا۔

سینیٹ اجلاس: 27ویں آئینی ترمیم پر قائمہ کمیٹی کی رپورٹ پیش

Web Desk

متعلقہ عنوانات

پاکستان آئی ایل او سے تعاون کو قدر کی نگاہ سے دیکھتا ہے: وزیراعظم

روسی افواج کے یوکرینی ریڈارز، ڈیٹا سینٹرز اور فوجی تنصیبات پر حملے

آزاد کشمیر اسمبلی کے ارکان نے حلف اٹھا لیا، مسائل باہمی تعاون سے حل کیے جائیں گے: وزیراعظم

ملٹری اے آئی کے استعمال میں انسانی فیصلہ سازی اور کنٹرول یقینی بنایا جائے: شرمیلا فاروقی

آزاد جموں و کشمیر کابینہ میں تین وزراء کے محکموں میں ردوبدل

ایران جنگ: برطانیہ میں ڈیزل کی قیمت ریکارڈ سطح پر پہنچ گئی

قطر کا سعودی خودمختاری کے تحفظ اور ایران امریکا مذاکرات میں پیش رفت کی حمایت کا اعلان

ایرانی افواج کی انگلیاں ٹرگر پر،دشمن کی غلطی کے منتظر ہیں: ابراہیم عزیزی