سہیل روٹین کے پابند، خاموش طبع اور کمفرٹ زون میں رہنا پسند کرتے ہیں: سابق اہلیہ

بالی ووڈ اداکار سلمان خان کے چھوٹے بھائی سہیل خان کی سابق اہلیہ سیما سجدیہہ نے اپنے سابق شوہر اور اپنی ذاتی زندگی کے بارے میں دلچسپ انکشافات کیے ہیں۔ اداکار جوڑے نیہا دھوپیا اور انگد بیدی کے شو ’ڈبل ڈیٹ‘ میں گفتگو کرتے ہوئے انہوں نے بتایا کہ سہیل خان عادات اور روٹین کے پابند انسان ہیں جو اپنے کمفرٹ زون اور مانوس ماحول میں رہنا پسند کرتے ہیں۔ سیما کے مطابق سہیل عام طور پر لوگوں سے گھل مل تو جاتے ہیں لیکن زیادہ گفتگو نہیں کرتے اور انتہائی نجی طبیعت کے مالک ہیں۔

سہیل خان سے طلاق کے بعد کی زندگی پر بات کرتے ہوئے سیما نے کہا کہ وہ مستقبل میں کسی رفاقت کے امکان کو مسترد نہیں کرتیں، تاہم فی الحال وہ تنہا زندگی میں مکمل مطمئن ہیں اور مصروف دن کے بعد اپنے کتوں کے ساتھ وقت گزارنا پسند کرتی ہیں۔ انہوں نے خوبصورتی اور اسکن کیئر سے متعلق کھل کر بات کرتے ہوئے بتایا کہ وہ بوٹوکس، فلرز اور لیزر جیسے کاسمیٹک ٹریٹمنٹس بھی کروا چکی ہیں۔ شو میں ان کی گفتگو کا بنیادی محور خود کو سمجھنا اور اپنی زندگی میں سکون حاصل کرنا تھا.