خیبرپختونخوا میں سکیورٹی فورسز کی کارروائیاں، فتنہ الخوارج کے 22 دہشتگرد ہلاک
Web Desk
19 November 2026
پاک فوج کے شعبہ تعلقات عامہ (آئی ایس پی آر) کے مطابق سکیورٹی فورسز نے 16 اور 17 نومبر کو خیبر پختونخوا کے مختلف اضلاع میں کامیاب انٹیلی جنس بیسڈ آپریشنز اور جھڑپوں کے دوران بھارتی سرپرستی میں سرگرم فتنہ الخوارج کے 22 دہشت گردوں کو ہلاک کر دیا ہے۔ ترجمان پاک فوج کے مطابق جنوبی وزیرستان میں خوارج کی موجودگی کی اطلاع پر کیے گئے آپریشن میں شدید فائرنگ کے تبادلے کے بعد 15 خوارج مارے گئے، ضلع بنوں میں دو مختلف کارروائیوں کے دوران 6 دہشت گرد ہلاک ہوئے جبکہ ضلع ٹانک میں ایک اور جھڑپ میں ایک خارجی کو انجام تک پہنچایا گیا، جن کے قبضے سے بھاری مقدار میں اسلحہ اور گولہ بارود بھی برآمد کر لیا گیا ہے۔ آئی ایس پی آر کا کہنا ہے کہ ہلاک ہونے والے دہشت گرد علاقے میں متعدد دہشت گردانہ کارروائیوں میں ملوث تھے، جبکہ مزید خوارج کے خاتمے کے لیے علاقے میں کلیئرنس اور سرچ آپریشنز جاری ہیں اور وژن ’عزمِ استحکام‘ کے تحت ملک سے بیرونی سرپرستی میں ہونے والی دہشت گردی کے مکمل خاتمے تک کارروائیاں پوری رفتار سے جاری رہیں گی۔
متعلقہ عنوانات
حوثی ملیشیا کا ریاض پر میزائل حملہ، سعودی اتحاد نے نقصان کی تصدیق کردی
19 November 2026
پاکستان اور مالدیپ کا تجارت کے فروغ کیلئے مشترکہ ورکنگ گروپ قائم کرنے پر اتفاق
19 November 2026
پاکستان شنگھائی تعاون تنظیم کے تہذیبی مکالمے میں شرکت کرے گا: دفتر خارجہ
19 November 2026
بھارت کا پانی کو بطور ہتھیار استعمال کرنا عالمی قانون کی خلاف ورزی ہے: پاکستان
19 November 2026
پاکستان سٹاک مارکیٹ میں کاروبار کے آغاز پر تیزی
19 November 2026
ٹرمپ نے ایران جنگ ختم کروانے کیلئے چین اور روس سے مدد لینے کا امکان مسترد کر دیا
19 November 2026
بلوچستان میں امن، خوشحالی، پائیدار ترقی کیلئے پاک فوج کا غیر متزلزل عزم برقرار ہے: فیلڈ مارشل
19 November 2026
عالمی امن کیلئے باہمی تعاون پر مبنی سلامتی پالیسی ناگزیر ہے، وزیر دفاع
19 November 2026