سکارف قراقرم ونٹرلیوڈ سیزن 8 میں ایس سی او ٹیم فاتح قرار

گلگت بلتستان میں نوجوان کھلاڑیوں کی حوصلہ افزائی اور کھیلوں کے فروغ کے لیے سپیشل کمیونیکیشن آرگنائزیشن (ایس سی او) نے قراقرم ونٹرلیوڈ سیزن 8 کا انعقاد کیا، جو آئس ہاکی فیسٹیول کے طور پر کامیابی سے اختتام پذیر ہوا۔
مختلف علاقوں کے کھلاڑیوں نے ونٹر سپورٹس ایونٹ میں شاندار کھیل پیش کیا اور اپنی مہارت کا لوہا منوایا۔
فائنل میچ میں ایس سی او ٹیم نے بہترین کارکردگی کا مظاہرہ کرتے ہوئے ٹائٹل اپنے نام کر لیا۔ اختتامی تقریب ہنزہ (جی بی) میں منعقد ہوئی۔
ونٹرلیوڈ سیزن میں ثقافت اور کھیلوں کا حسین ملاپ شائقین کے لیے دلچسپی کا باعث رہا، اور ایس سی او کی کوششوں سے گلگت بلتستان کی ونٹر سپورٹس اور ایڈونچر ٹورزم کو عالمی سطح پر فروغ مل رہا ہے۔