نان و نفقے کا تعین والد کی مالی استطاعت کے مطابق ہوگا: سپریم کورٹ

سپریم کورٹ آف پاکستان نے ایک اہم فیصلے میں قرار دیا ہے کہ نابالغ بچے کے نان و نفقے کا تعین کرتے وقت بچے کی معقول ضروریات، والد کی مالی استطاعت، آمدنی اور سماجی حیثیت کو مدنظر رکھا جائے گا۔ جسٹس عرفان سعادت خان اور جسٹس عقیل احمد عباسی پر مشتمل دو رکنی بینچ نے مسماۃ شاہین نواز کی اپیل خارج کرتے ہوئے سندھ ہائی کورٹ اور ڈسٹرکٹ کورٹ کا فیصلہ برقرار رکھا، جس کے تحت بچے کا ماہانہ نان و نفقہ 30 ہزار روپے (بشمول 15 فیصد سالانہ اضافہ) مقرر کیا گیا تھا۔ درخواست گزار نے مؤقف اختیار کیا تھا کہ والد بنگلہ دیش میں ٹیکسٹائل منیجر ہیں لہٰذا نفقہ 40 ہزار روپے کیا جائے، تاہم عدالت عظمیٰ نے نوٹ کیا کہ والد پر اپنی پہلی شادی سے ہونے والے 02 دیگر بچوں کی کفالت کا بوجھ بھی موجود ہے۔ سپریم کورٹ نے اپنے حالیہ فیصلے PLD 2026 SC 170 کا حوالہ دیتے ہوئے واضح کیا کہ نچلی عدالتوں کے فیصلوں میں مداخلت صرف اسی صورت ممکن ہے جب فیصلہ قانون کے خلاف یا غیر معقول ہو، اور آئین کے آرٹیکل 185(3) کے تحت مداخلت کی کوئی قانونی گنجائش موجود نہیں।