سلمان خان اسپتال کے باہر پاپارازیوں پر برہم،

بالی ووڈ کے سپر اسٹار سلمان خان ممبئی کے ایک اسپتال کے باہر فوٹوگرافرز (پاپارازی) کے ہجوم اور شور شرابے پر شدید برہم ہو گئے، جس کے بعد ان کا یہ سخت ردعمل سوشل میڈیا پر بھی وائرل ہو گیا ہے اور اس پر نئی بحث چھڑ گئی ہے۔ رپورٹ کے مطابق سلمان خان ممبئی کے علاقے ماہم میں واقع ہندو جا اسپتال سے باہر نکل رہے تھے کہ اسی دوران پاپارازی کی ایک بڑی تعداد نے انہیں وہاں گھیر لیا اور انتہائی قریب آ کر ویڈیوز اور تصاویر بنانا شروع کر دیں۔

میڈیا کے اس بے ہنگم ہجوم اور شور و غل کی وجہ سے صورتحال اس قدر غیر آرام دہ ہوگئی کہ بالی ووڈ اسٹار کو آگے بڑھنے کے بجائے کچھ دیر کے لیے رکنا پڑا۔ ہجوم اور شور میں مسلسل اضافے پر سلمان خان نے اپنی ناراضگی کا اظہار کرتے ہوئے فوٹوگرافرز کو سختی سے مخاطب کیا اور انہیں اپنے پیشہ ورانہ رویے کو بہتر بنانے کی سخت ہدایت دی۔

اداکار کے سخت تیور دیکھ کر وہاں موجود پاپارازی نے فوری طور پر اپنی غلطی کا احساس کرتے ہوئے ان سے معذرت کی اور اپنے کیمرے نیچے کر لیے، جس کے بعد سلمان خان اپنی گاڑی کی طرف روانہ ہو گئے۔ پاپارازی کے ساتھ پیش آنے والے اس واقعے کی ویڈیو سوشل میڈیا پر تیزی سے شیئر کی جا رہی ہے، تاہم اب تک اس بات کی تصدیق نہیں ہو سکی کہ دبنگ خان اسپتال میں کس کی عیادت یا ملاقات کے لیے تشریف لائے تھے۔