سجل علی کے برائیڈل لک نے مداحوں کو دیوانہ بنا دیا

پاکستان کی ہر دلعزیز اداکارہ سجل علی ایک بار پھر اپنے دلکش انداز اور حسین برائیڈل لک کے باعث سوشل میڈیا پر توجہ کا مرکز بن گئی ہیں۔ اداکارہ کے حالیہ فوٹو شوٹ نے جہاں مداحوں کو سحر زدہ کر دیا ہے، وہیں شوبز شخصیات بھی ان کی خوبصورتی کی تعریف کیے بغیر نہ رہ سکیں۔

سجل علی نے حال ہی میں ایک برائیڈل فیشن کیمپین کے لیے معروف ڈیزائنر کا سرخ عروسی لباس زیب تن کیا، جس میں وہ روایتی دلہن کے روپ میں نہایت دلکش اور پُرکشش دکھائی دیں۔ ان کا متناسب میک اپ، نفیس جیولری اور شاہانہ انداز سوشل میڈیا پر وائرل ہوتے ہی مداحوں نے انہیں ‘پریوں جیسی خوبصورت’ قرار دے دیا۔

شوبز انڈسٹری کی دیگر ستاروں نے بھی سجل کی تصاویر پر بھرپور ردعمل دیا۔ مایا علی نے انہیں “گورجیئس” کہا جبکہ سینئر اداکارہ عظمیٰ بیگ نے بھی ان کے حسن کی تعریف کی۔ سوشل میڈیا صارفین کا کہنا ہے کہ برائیڈل کیمپینز میں سجل علی کا کوئی ثانی نہیں ہے۔

واضح رہے کہ سجل علی اپنی جاندار اداکاری کے ساتھ ساتھ اپنے منفرد فیشن سینس کے لیے بھی جانی جاتی ہیں، وہ مشرقی ہو یا مغربی، ہر لباس کو کمال مہارت اور خوبصورتی سے اپنانے کی شہرت رکھتی ہیں۔