صبا قمر نے اپنی ’’ادھوری خواہشات‘‘ کا اظہار کردیا

پاکستانی اداکارہ صبا قمر اپنے منفرد اور فلسفیانہ خیالات کی وجہ سے ایک بار پھر سوشل میڈیا پر توجہ کا مرکز بنی ہوئی ہیں۔ ایک حالیہ وائرل ویڈیو میں اداکارہ نے اپنی زندگی کو بھارتی ہدایت کار امتیاز علی کی فلموں سے تشبیہ دیتے ہوئے کہا کہ وہ خود کو ایک ’ادھوری روح‘ سمجھتی ہیں اور ان کے نزدیک اس ادھورے پن میں بھی ایک خاص خوبصورتی اور کشش ہے۔ صبا قمر کا ماننا ہے کہ اگر انسان کی تمام خواہشات پوری ہو جائیں تو تڑپ اور جذبہ ختم ہو جاتا ہے، اس لیے وہ زندگی کے درد اور کمی میں بھی ایک خاص لطف محسوس کرتی ہیں۔ ان کی اس گہری گفتگو نے جہاں مداحوں کو متاثر کیا ہے، وہیں سوشل میڈیا پر زندگی کے ادھورے پن اور معنویت پر ایک نئی بحث چھیڑ دی ہے۔