چاول کی پیداوار بڑھانے کیلئے رائس پلانٹرز کے استعمال کا فیصلہ

وفاقی وزیر اقتصادی امور سینیٹر احد چیمہ کی زیر صدارت چاول کی پیداوار بڑھانے سے متعلق ایک اہم اجلاس منعقد ہوا جس میں زرعی شعبے میں جدید ٹیکنالوجی کے فروغ کے تحت ‘رائس پلانٹرز’ کے استعمال کا فیصلہ کیا گیا ہے۔ اجلاس میں بریفنگ دی گئی کہ رائس پلانٹرز کے استعمال سے چاول کی پیداوار میں 15 فیصد تک اضافہ اور فی کلوگرام پیداواری لاگت میں نمایاں کمی لائی جا سکتی ہے۔ وفاقی وزیر نے اس حوالے سے ایک جامع فزیبلٹی سٹڈی تیار کرنے کی ہدایت کرتے ہوئے کہا کہ منصوبہ قابل عمل قرار پانے پر وفاقی حکومت صوبائی حکومتوں کے اشتراک سے اس میں سرمایہ کاری کرے گی، جبکہ کسانوں میں مشینری کی منصفانہ تقسیم اور تربیت کے لیے تمام متعلقہ اسٹیک ہولڈرز سے مشاورت کی جائے گی۔