باقاعدگی سے نماز پڑھتی ہوں، غیرمسلم کے ساتھ شادی نہیں کرسکتی: بھارتی اداکارہ

بھارتی اداکارہ ریم شیخ نے بین المذاہب تعلقات (Interfaith Relationships) کے حوالے سے اپنے خیالات کا اظہار کرتے ہوئے واضح کیا ہے کہ وہ کسی غیر مسلم کے ساتھ زندگی گزارنے کا تصور نہیں کر سکتیں۔ ایک حالیہ انٹرویو میں انہوں نے بتایا کہ وہ پانچ وقت کی نماز کی پابند ہیں اور اب باقاعدگی سے روزے بھی رکھ رہی ہیں، اس لیے وہ صرف اپنی ہم مذہب شخصیت کے ساتھ ہی رشتہ جوڑنا چاہتی ہیں۔ ریم شیخ، جن کی والدہ ہندو اور والد مسلمان ہیں، نے محبت کے حوالے سے اپنے عدم اعتماد کا اظہار بھی کیا اور بتایا کہ گھر میں طلاق اور ٹوٹتے ہوئے رشتوں کو دیکھ کر ان کا محبت پر یقین ختم ہو چکا ہے، تاہم وہ خدا سے تعلق کے لیے محبت کو ضروری قرار دیتی ہیں۔