راولپنڈی: کوٹلی ستیاں میں مسافر کوسٹر حادثے کا شکار، ایک طالب علم جاں بحق، 7 زخمی

راولپنڈی کے علاقے کوٹلی ستیاں میں مسافر کوسٹر الٹنے سے افسوسناک حادثہ پیش آیا، جس کے نتیجے میں ایک طالب علم جاں بحق جبکہ 7 طلباء زخمی ہو گئے۔

ریسکیو حکام کے مطابق کوسٹر میں مجموعی طور پر 15 طلباء سوار تھے۔ حادثے کی اطلاع ملتے ہی ریسکیو ٹیمیں فوری طور پر جائے وقوعہ پر پہنچ گئیں اور امدادی کارروائیاں شروع کر دیں۔

ریسکیو حکام کا کہنا ہے کہ زخمی طلباء کو پرائیویٹ ایمبولینسز کے ذریعے ابتدائی طبی امداد کے بعد راولپنڈی کے مختلف اسپتالوں میں منتقل کر دیا گیا ہے۔ حادثے کے بعد ایک شخص کوسٹر میں پھنس گیا تھا، جسے نکالنے کے لیے ریسکیو ٹیموں نے آپریشن کیا۔

ریسکیو ذرائع کے مطابق جائے حادثہ پر امدادی کارروائیاں مکمل کر لی گئی ہیں جبکہ حادثے کی وجوہات جاننے کے لیے تحقیقات جاری ہیں۔