ایران نے دشمن کیخلاف مزاحمت کی نئی مثال قائم کی: مسعود پزشکیان

ایرانی صدر مسعود پزشکیان نے اپنے حالیہ بیان میں کہا ہے کہ ایران نے دشمن کے خلاف مزاحمت کی ایک نئی اور بے مثال تاریخ رقم کی ہے۔ انہوں نے ایرانی عوام پر زور دیا کہ وہ دشمن کی سازشوں اور چیلنجز کے سامنے ثابت قدم رہیں اور اپنی جدوجہد کو جاری رکھیں۔

صدر مسعود پزشکیان کا مزید کہنا تھا کہ ایرانی قوم کے ڈی این اے میں ناانصافی اور ظلم کے سامنے سر جھکانا شامل نہیں ہے۔ انہوں نے اس بات پر بھی زور دیا کہ جس طرح ایرانی عوام باہر کے ظلم کا مقابلہ کرتے ہیں، اسی طرح ایرانی حکومت اپنے شہریوں کے ساتھ کسی قسم کے ظلم اور نا انصافی کی اجازت نہیں دے گی۔