بھارت، بنگلہ دیش، ترکیہ، امریکا، برطانیہ میں بھی کل پہلا روزہ ہوگا

ایشیائی اور یورپی ممالک میں بھی رمضان کا چاند نظر آگیا،پہلا روزہ بروز جمعرات کو ہوگا۔عالمی میڈیاکے مطابق بھارت، بنگلادیش، ایران ، ترکیہ اورانڈونیشیاسمیت مختلف ممالک میں رمضان المبارک کا چاند نظر آگیا۔

ملائیشیا، سنگاپور، برونائی اور عمان میں بھی پہلا روزہ جمعرات کو ہوگا۔ادھریورپی ممالک کے اسلامی مشن بورڈز نے چاند نظر آنے کا اعلان کردیا جب کہ امریکا اور برطانیہ کےاکثر شہروں میں بھی جمعرات کوپہلا روزہ ہوگا۔

کینیڈا اور آسٹریلیا میں بھی جمعرات کوپہلا روزہ ہوگا۔ متعدد افریقی ممالک کے شہری بھیپہلا روزہ رکھیں گے۔سعودی عرب سمیت خلیجی ممالک میں منگل کو  رمضان کا چاند نظر آگیا تھا اور بدھ کو پہلا روز تھا۔