بھارتی سینئر اداکار رماکانت دیاما 69 برس کی عمر میں انتقال کرگئے

بھارتی فلم اور ٹیلی ویژن انڈسٹری کے معروف اداکار رماکانت دیاما انتقال کرگئے ہیں۔ ان کے انتقال کی اطلاع ساتھی اداکارہ شوبھانگی نے سوشل میڈیا پر دی۔

بھارتی میڈیا رپورٹس کے مطابق رماکانت دیاما منگل کو انہتر برس کی عمر میں وفات پا گئے، تاہم ان کے انتقال کی وجوہات فوری طور پر معلوم نہیں ہوسکیں۔

رپورٹس میں یہ بھی بتایا گیا ہے کہ وہ کافی عرصے سے بیماری میں مبتلا تھے اور اس دوران انہوں نے متعدد مشہور بھارتی پروجیکٹس میں اپنی اداکاری کے جوہر دکھائے جن میں فلم “چک دے انڈیا” بھی شامل ہے۔

ان کے قریبی ذرائع کے مطابق وہ ایک بہترین فنکار ہونے کے ساتھ ساتھ ایک نرم دل اور خوش اخلاق شخصیت کے مالک تھے۔