دہلی ہائی کورٹ نے راجپال یادیو کے خلاف چیک باؤنس کیس کا فیصلہ محفوظ کر لیا

نئی دہلی: دہلی ہائی کورٹ میں بھارتی اداکار راجپال یادیو کے خلاف چیک باؤنس کیس کی سماعت ہوئی۔ سماعت کے دوران جج نے اداکار کے مؤقف پر سوالات اٹھاتے ہوئے ریمارکس دیے کہ ان کے سابقہ وعدوں اور موجودہ بیانات میں زمین آسمان کا فرق ہے۔ عدالت نے فریقین کو آپسی تصفیے (Settlement) کی پیشکش بھی کی، لیکن راجپال یادیو نے اسے قبول کرنے سے انکار کر دیا۔

ویڈیو لنک کے ذریعے عدالت میں پیش ہونے والے اداکار نے جذباتی ہونے کے بجائے سخت لہجہ اختیار کیا اور کہا، “میں جذباتی نہیں ہوں، اگر ضرورت ہے تو مجھے پانچ بار اور جیل بھیج دیں”۔ دوسری جانب، شکایت کنندہ کے وکیل نے دلیل دی کہ اداکار پہلے ہی اپنی سزا قبول کر چکے ہیں، لہٰذا اب وہ اپنی مالی ذمہ داریوں سے پیچھے نہیں ہٹ سکتے۔