رجب بٹ نے درِفشاں سلیم سے شادی کی افواہوں کی تردید کر دی

معروف یوٹیوبر اور سوشل میڈیا انفلوئنسر رجب بٹ نے پاکستان کی مقبول اداکارہ درِفشاں سلیم سے منسوب شادی کی افواہوں کو یکسر مسترد کرتے ہوئے واضح کیا ہے کہ ان کا اداکارہ کے ساتھ کسی بھی قسم کا کوئی ذاتی تعلق نہیں ہے۔ یوٹیوبر اور ٹک ٹاکر تہمینہ شیخ کو دیے گئے ایک انٹرویو میں رجب بٹ نے کہا کہ درِفشاں سلیم ان سے سینیئر ہیں اور اپنی فیلڈ میں ایک باعزت مقام رکھتی ہیں، اس لیے غیر مصدقہ خبریں پھیلانا ایک افسوسناک عمل ہے۔ انہوں نے بتایا کہ انہیں خود اس افواہ کا علم سوشل میڈیا کے ذریعے ہوا جب صارفین نے ان سے مسلسل سوالات کرنا شروع کیے۔ رجب بٹ نے مزید کہا کہ انہوں نے اس بے بنیاد خبر کی فوری تردید اس لیے کی تاکہ اداکارہ درِفشاں سلیم کے لیے کسی قسم کی پریشانی یا خفت پیدا نہ ہو۔ واضح رہے کہ اس سے قبل درِفشاں سلیم کی سٹائلسٹ بھی ان افواہوں کی سخت تردید کر چکی ہیں۔