اسٹیٹ بینک نے ایکسچینج کمپنیز کو “راست” سسٹم استعمال کرنے کی اجازت دے دی

کراچی: امریکی ڈالرز کی وطن آمد کے حوالے سے اسٹیٹ بینک نے اہم فیصلہ کرتے ہوئے ایکسچینج کمپنیز کو اپنا جدید ڈیجیٹل پیمنٹ سسٹم “راست” استعمال کرنے کی اجازت دے دی ہے۔

ایس بی پی کی جانب سے جاری ای پی ڈی سرکلر لیٹر نمبر 2 کے مطابق، منی چینجرز اب غیر ملکی کرنسیز کی تجارت راست سسٹم کے ذریعے کر سکیں گے۔ راست سسٹم اسٹیٹ بینک کا مفت اور جدید ڈیجیٹل نظام ہے، جسے پانچ سال قبل متعارف کروایا گیا تھا۔

اسٹیٹ بینک کے مطابق اس سہولت سے ترسیلات زر کی وصولی کی رفتار بڑھے گی اور یہ کیش لیس معیشت کی جانب اہم پیشرفت ہے۔ ترسیلات زر بینک اکاؤنٹس اور موبائل والٹس میں وصول کی جا سکیں گی، جس سے صارفین کے لیے سہولت میں اضافہ ہوگا۔