پنجاب کے مختلف تعلیمی بورڈز میں پوزیشن ہولڈرز کا اعلان، طالبات نمایاں رہیں

پنجاب کے مختلف تعلیمی بورڈز کی جانب سے میٹرک سالانہ امتحانات 2026 کے پوزیشن ہولڈرز کے ناموں کا اعلان کر دیا گیا ہے جس میں طالبات نمایاں رہیں۔ ملتان بورڈ میں مہرین رسول نے 1190 نمبر حاصل کر کے پہلی پوزیشن حاصل کی، جبکہ فائقہ محبوب 1188 نمبروں کے ساتھ دوسرے نمبر پر رہیں۔ بہاولپور بورڈ میں عبدالحسیب نے 1186 نمبر لے کر پہلی پوزیشن حاصل کی، جبکہ گوجرانوالہ بورڈ میں عدینہ راشد اور صدیقہ الماس نے 1190 نمبر حاصل کر کے مشترکہ پہلی پوزیشن اپنے نام کی۔ ساہیوال بورڈ کے نتائج کے مطابق عبداللہ ناصر اور منصف بشیر نے 1191 نمبروں کے ساتھ پہلی پوزیشن حاصل کی، جہاں کامیابی کا مجموعی تناسب 65.10 فیصد رہا۔ اسی طرح فیصل آباد بورڈ میں بھی 1191 نمبروں کے ساتھ پہلی اور رامین فاطمہ نے 1190 نمبروں کے ساتھ دوسری پوزیشن حاصل کر کے میدان مار لیا۔ پوزیشن ہولڈرز طالب علموں کے اعزاز میں جلد پروقار تقاریب منعقد کی جائیں گی۔