بانی پی ٹی آئی سے رفقا کی ملاقات کا دن، فہرست جیل حکام کے حوالے

بانی پی ٹی آئی سے رفقاء اور پارٹی رہنماؤں کی ملاقات کے مقررہ دن کے موقع پر پاکستان تحریک انصاف (پی ٹی آئی) کی جانب سے ملاقاتیوں کی حتمی فہرست جیل حکام کے حوالے کر دی گئی ہے۔ یہ فہرست پی ٹی آئی کے فوکل پرسن اویس یونس چوہدری ایڈووکیٹ نے باضابطہ طور پر جیل انتظامیہ کو جمع کرائی۔ جیل حکام کو فراہم کی جانے والی اس ملاقاتی فہرست میں طارق محمود چوہدری، سید عمر دراز، اظہر رؤف، رانا ارسلان، صدیق خان ترین اور عمر بیگ کے نام شامل ہیں۔ قانونی ضوابط اور جیل رولز کے مطابق اس ملاقات کا مقصد بانی پی ٹی آئی سے قانونی، سیاسی اور تنظیمی امور پر مشاورت کرنا ہے۔