سٹاک مارکیٹ میں تیزی کے بعد مندی، ہنڈرڈ انڈیکس منفی زون میں بند ہوا

کاروباری ہفتے کے چوتھے روز پاکستان اسٹاک ایکسچینج (PSX) میں کاروبار کا آغاز تو انتہائی مثبت زون میں ہوا تھا اور ٹریڈنگ کے دوران KSE-100 انڈیکس 186 پوائنٹس کے اضافے سے 1 لاکھ 72 ہزار 400 پوائنٹس کی سطح پر بھی پہنچ گیا تھا، تاہم دن کے اختتام پر مارکیٹ میں شدید مندی چھا گئی۔

ٹریڈنگ کے دوران پرافٹ بکنگ اور فروخت کے دباؤ کے باعث مارکیٹ میں اچانک تنزل دیکھا گیا جو سیشن کے اختتام تک برقرار رہا۔ نتیجے کے طور پر ہنڈرڈ انڈیکس 1733 پوائنٹس کی بڑی کمی کے بعد 1 لاکھ 70 ہزار 498 پوائنٹس کی سطح پر بند ہوا۔ یاد رہے کہ گزشتہ روز انڈیکس 830 پوائنٹس کے اضافے کے ساتھ 1 لاکھ 72 ہزار 200 پوائنٹس کی نفسیاتی حد پر بند ہوا تھا، لیکن آج کے سیشن میں ہونے والی زبردست گراوٹ نے تمام ابتدائی فوائد سمیٹ لیے۔