پاکستان سٹاک ایکسچینج میں مندی، 100 انڈیکس میں 1549 پوائنٹس کی کمی

پاکستان سٹاک ایکسچینج (PSX) میں ہفتے کے کاروباری روز کا اختتام شدید مندی اور منفی زون میں ہوا، جہاں 100 انڈیکس میں 1549 پوائنٹس کی نمایاں کمی ریکارڈ کی گئی۔ تجارتی سرگرمیوں کے اختتام پر 100 انڈیکس 1549 پوائنٹس کے گھاٹے کے ساتھ ایک لاکھ 62 ہزار 374 پوائنٹس کی سطح پر بند ہوا۔ ٹریڈنگ کے دوران مارکیٹ میں اتار چڑھاؤ دیکھا گیا اور انڈیکس نے ایک لاکھ 63 ہزار 966 پوائنٹس کی بلند ترین جبکہ ایک لاکھ 62 ہزار 292 پوائنٹس کی کم ترین سطح کو چھوا۔ دن بھر کے دوران سٹاک ایکسچینج میں مجموعی طور پر 18 ارب روپے مالیت کے 39 کروڑ شیئرز کے سوادے کیے گئے۔