وزیراعظم شہباز شریف کا دورہ سعودی عرب، شیڈول طے پا گیا

وزیراعظم شہباز شریف کے دورہ سعودی عرب کا شیڈول طے پا گیا ہے، جس کے تحت وہ اعلیٰ سطح کے وفد کے ہمراہ دو روزہ رسمی دورے پر سعودی عرب روانہ ہوں گے۔ ذرائع کے مطابق اس اہم دورے کے دوران وزیراعظم شہباز شریف سعودی ولی عہد اور وزیراعظم شہزادہ محمد بن سلمان سے خصوصی ملاقات کریں گے۔ ملاقات کے دوران دونوں رہنماؤں کے درمیان دوطرفہ تعلقات کو مزید تقویت دینے، اقتصادی تعاون اور خطے کی مجموعی صورتحال پر تفصیلی گفتگو ہوگی۔

ذرائع کا مزید کہنا ہے کہ اس اعلیٰ سطحی ملاقات میں امریکا-ایران کشیدگی، خطے کی سلامتی، اور ممکنہ امن مذاکرات کے حوالے سے بھی اہم تبادلہ خیال کیا جائے گا۔ اس دورے کو علاقائی امن اور پاکستان اور سعودی عرب کے مضبوط سفارتی و اقتصادی روابط کے تناظر میں انتہائی اہم قرار دیا جا رہا ہے۔