اوورسیز پاکستانیوں کو سہولیات فراہم کرنا حکومت کی اولین ترجیح ہے، وزیراعظم

وزیراعظم شہباز شریف کی زیرِ صدارت اعلیٰ سطحی اجلاس میں بیرون ملک مقیم پاکستانیوں کی سہولت کے لیے دستاویزات کی تصدیق، پاور آف اٹارنی اور شکایات کے اندراج کے لیے کیو آر (QR) کوڈ پر مبنی ڈیجیٹل نظام متعارف کرانے کا جائزہ لیا گیا。 وزیراعظم نے اوورسیز پاکستانیوں کو ملک کا قیمتی اثاثہ قرار دیتے ہوئے ہدایت کی کہ سفارتخانوں میں کیو آر کوڈز آویزاں کیے جائیں اور ان کے استعمال سے متعلق خصوصی آگہی مہم چلائی جائے。 اجلاس کو بریفنگ میں بتایا گیا کہ وزارت خارجہ اسلام آباد میں شام کی شفٹ شروع کی جا چکی ہے اور نظام کو نادرا، ایچ ای سی، آئی بی سی سی اور نیشنل پولیس بیورو سے منسلک کر کے ‘ون اسٹپ’ تصدیق کو ممکن بنایا گیا ہے۔ این آئی ٹی بی کے تعاون سے موبائل ایپ پر بھی کام جاری ہے جس سے برتھ، ڈیتھ اور میرج سرٹیفکیٹس کی آن لائن تصدیق ممکن ہو سکے گی۔ اجلاس میں نائب وزیراعظم اسحاق ڈار، وفاقی وزرا اور اعلیٰ حکام نے شرکت کی۔