ڈیووس اجلاس کے بعد وزیراعظم شہباز شریف لندن پہنچ گئے

وزیراعظم شہباز شریف عالمی اقتصادی فورم کے سالانہ اجلاس میں شرکت کے بعد پاکستان واپسی سے قبل برطانیہ پہنچ گئے، جہاں ان کے طیارے نے لندن کے لوٹن ایئرپورٹ پر لینڈ کیا۔

ذرائع کے مطابق وزیراعظم شہباز شریف نے ڈیووس میں عالمی اقتصادی فورم کے موقع پر مختلف اجلاسوں میں شرکت کی، جبکہ اس دوران بورڈ آف پیس کے معاہدے پر بھی دستخط کیے گئے۔

وزیراعظم لندن میں چار روز قیام کریں گے، اس دوران اہم ملاقاتوں کے ساتھ ساتھ وہ میڈیکل چیک اپ بھی کروائیں گے۔

لوٹن ایئرپورٹ پر وزیراعظم کا استقبال پاکستان کے ہائی کمشنر ڈاکٹر محمد فیصل، ڈپٹی ہائی کمشنر حسیب بن عزیز اور اوورسیز پاکستانیز فاؤنڈیشن کے چیئرمین سید قمر رضا نے کیا۔
استقبالی وفد میں مسلم لیگ (ن) کے صدر احسن ڈار اور خرم بٹ بھی شامل تھے۔