وزیراعظم شہباز شریف کی بہاولپور آمد: سابق صوبائی وزیر ملک محمد اقبال چنڑ کے انتقال پر تعزیت،

وزیراعظم محمد شہباز شریف نے بہاولپور میں ڈپٹی اسپیکر پنجاب اسمبلی ملک ظہیر اقبال چنڑ اور ملک منیر اقبال چنڑ کی رہائش گاہ کا دورہ کیا اور ان سے ان کے والد، سابق صوبائی وزیر اور رکنِ قومی اسمبلی ملک محمد اقبال چنڑ کے انتقال پر تعزیت کی۔ وزیراعظم آفس کے میڈیا ونگ سے جاری بیان کے مطابق وزیراعظم کے ہمراہ وفاقی وزراء احسن اقبال، اعظم نذیر تارڑ، سردار اویس لغاری اور عطا اللہ تارڑ بھی موجود تھے۔ وزیراعظم نے مرحوم کی مسلم لیگ (ن) کے لیے خدمات اور سیاسی وفاداری کو سراہتے ہوئے کہا کہ ملک محمد اقبال چنڑ نے بحیثیت رکن اسمبلی عوامی فلاح و بہبود کے لیے گرانقدر کردار ادا کیا۔ انہوں نے مرحوم کی درجات کی بلندی اور غمزدہ خاندان کے لیے صبرِ جمیل کی دعا کی۔