حکومت نے پیٹرول اور ڈیزل پر لیوی میں اضافہ کر کے عوام کو ریلیف سے محروم کر دیا

اسلام آباد: حکومت نے پیٹرول اور ڈیزل پر لیوی میں اضافہ کر کے عوام کو ریلیف سے محروم کر دیا ہے۔ پیٹرول پر فی لیٹر لیوی چار روپے پینسٹھ پیسے بڑھا کر 82 روپے 27 پیسے کر دی گئی ہے، جبکہ پہلے یہ 78 روپے 62 پیسے تھی۔

اسی طرح ڈیزل پر بھی فی لیٹر لیوی میں 58 پیسے کا اضافہ کر دیا گیا، جس کے بعد یہ 76 روپے 21 پیسے پر پہنچ گئی، جبکہ پچھلی مقدار 75 روپے 43 پیسے تھی۔

ماہرین کے مطابق اگر لیوی برقرار رہتی تو پیٹرول ساڑھے چار روپے فی لیٹر سستا ہو سکتا تھا، تاہم لیوی میں اضافے کے باعث صارفین کو مہنگائی کا مزید بوجھ برداشت کرنا پڑے گا۔