غیر قانونی تمباکو کے خلاف تاریخ ساز کریک ڈاؤن، 27 لاکھ کلوگرام خام تمباکو ضبط
Web Desk
13 December 2025
فیڈرل بورڈ آف ریونیو (ایف بی آر) نے بتایا ہے کہ ریجنل ٹیکس آفس (آر ٹی او) پشاور نے غیر قانونی تمباکو کے خلاف تاریخی اور کامیاب انفورسمنٹ کارروائی کرتے ہوئے قومی خزانے کو تقریباً 19 ارب روپے کے نقصان سے بچا لیا ہے۔
ایف بی آر کے مطابق یہ کارروائی ضلع مردان میں عمل میں لائی گئی، جہاں نان ڈیوٹی پیڈ خام تمباکو کے خلاف کریک ڈاؤن کے دوران میسرز خیبر ٹوبیکو کمپنی کے گوداموں کو سیل کر دیا گیا۔ کارروائی کے دوران تقریباً 27 لاکھ 50 ہزار کلوگرام خام تمباکو ضبط کیا گیا۔
ترجمان ایف بی آر کے مطابق ضبط شدہ خام تمباکو پر فیڈرل ایکسائز ڈیوٹی (ایف ای ڈی) کی مد میں واجب الادا رقم کا تخمینہ تقریباً ایک ارب 10 کروڑ روپے لگایا گیا ہے، جبکہ اگر یہ مقدار بروقت ضبط نہ کی جاتی تو 19 ارب روپے سے زائد کی ڈیوٹیز اور ٹیکسز کی چوری ممکن تھی۔
ایف بی آر کا کہنا ہے کہ پاکستان کو تمباکو کے شعبے میں غیر قانونی تجارت اور سرگرمیوں کے سنگین چیلنج کا سامنا ہے، جو سرکاری محاصل میں بھاری کمی کا باعث بنتی ہیں۔ نان ڈیوٹی پیڈ خام تمباکو کی بلا روک ٹوک نقل و حرکت اور ذخیرہ اندوزی نہ صرف قومی معیشت کے لیے خطرہ ہے بلکہ اس کے ذریعے ایف ای ڈی اور دیگر ٹیکسز کی بڑے پیمانے پر چوری بھی ممکن ہو جاتی ہے۔
ترجمان کے مطابق وزیراعظم پاکستان کی جانب سے غیر قانونی تمباکو اور سگریٹ کے خلاف واضح اور سخت کریک ڈاؤن کے احکامات جاری کیے گئے ہیں، جن کی روشنی میں یہ کارروائی عمل میں لائی گئی۔
ایف بی آر نے واضح کیا ہے کہ غیر قانونی تمباکو تجارت میں ملوث عناصر کے خلاف سخت کارروائیاں مستقبل میں بھی جاری رہیں گی تاکہ قومی خزانے کا تحفظ یقینی بنایا جا سکے۔
متعلقہ عنوانات
پاکستان سٹاک ایکسچینج میں کاروبار کے آغاز پر زبردست تیزی
17 November 2026
عالمی منڈی میں سونے کی قیمتوں میں بڑی کمی، فی اونس نرخ ایک سال کی کم ترین سطح پر آگئے
17 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
پاکستانی معیشت کے تمام اہم اشاریوں میں بہتری، سٹیٹ بینک کی سالانہ رپورٹ جاری
16 November 2026
ملک بھر میں سونے کی قیمتوں میں کمی
16 November 2026
تاریخ میں پہلی بار صوبوں کی جانب سے وفاق کو 57 ارب 46 کروڑ کی گرانٹ
16 November 2026
پاکستان سٹاک مارکیٹ میں کاروبار کا مثبت رحجان
16 November 2026
معاشی پالیسیوں کے مثبت نتائج، پاکستان کی برآمدات میں ریکارڈ اضافہ
16 November 2026