کم عمری کی شادی کے خلاف پشاور ہائیکورٹ میں آئینی درخواست دائر

خیبر پختونخوا میں لڑکیوں کی شادی کی کم از کم قانونی عمر 16 سال سے بڑھا کر 18 سال مقرر کرنے کے لیے پشاور ہائیکورٹ میں آئینی درخواست دائر کر دی گئی ہے۔ بچوں کے حقوق کے لیے کوشاں دو کم عمر بچیوں کی جانب سے دائر کی گئی اس درخواست میں مؤقف اختیار کیا گیا ہے کہ پنجاب، سندھ اور بلوچستان کے برعکس خیبر پختونخوا ملک کا واحد صوبہ ہے جہاں اب بھی لڑکیوں کی شادی کی قانونی حد 16 سال ہے۔ درخواست گزاروں نے استدعا کی ہے کہ صوبائی حکومت کو کم عمری کی شادی (چائلڈ میرج) کی روک تھام اور قانون سازی کے لیے فوری اقدامات کی ہدایت کی جائے۔ درخواست میں یونیسف کے اعدادوشمار کا حوالہ دیتے ہوئے کہا گیا ہے کہ پاکستان میں 21 فیصد لڑکیوں کی شادی 18 سال سے پہلے کر دی جاتی ہے، جو ان کی صحت، تعلیم اور بنیادی انسانی حقوق پر منفی اثرات مرتب کرتی ہے۔