پی ایس ایل 12 : ڈائریکٹ سائننگ، پلیئر آکشن اور مارکی کھلاڑی کے حوالے سے اہم فیصلے

چیئرمین پاکستان کرکٹ بورڈ محسن نقوی کی زیرِ صدارت ایچ بی ایل پی ایس ایل گورننگ کونسل کے اجلاس میں ایچ بی ایل پی ایس ایل 12 کے حوالے سے اہم ترین فیصلے کر لیے گئے ہیں۔ اجلاس میں طے پایا کہ سیزن 12 کے لیے پلیئر آکشن کا انعقاد 23 جنوری کو ہوگا، جبکہ ایونٹ 18 مارچ سے 2 مئی تک ملک کے 5 سے 6 مختلف شہروں میں کھیلا جائے گا۔ چیئرمین پی سی بی نے اعلان کیا کہ ڈائریکٹ سائننگ کا عمل 23 اکتوبر سے 23 نومبر تک جاری رہے گا، جس کے تحت ہر فرنچائز ایسے ایک مارکی کھلاڑی کو براہِ راست سائن کر سکے گی جو گزشتہ دو سیزنز نہ کھیلا ہو۔ چیئرمین محسن نقوی اور سی ای او سلمان نصیر نے عزم ظاہر کیا کہ تمام فرنچائزز کو متحرک کر کے اس سیزن کو مزید وسیع اور شائقینِ کرکٹ کے لیے یادگار بنایا جائے گا۔