روپے کی قدر میں بہتری، انٹربینک میں ڈالر مزید سستا ہوگیا

ملکی صرافہ و مالیاتی مارکیٹ میں انٹربینک کے اندر امریکی ڈالر کے مقابلے میں پاکستانی روپیہ کی قدر میں بہتری کا سلسلہ برقرار ہے۔ جاری کاروباری ہفتے کے پانچویں اور آخری روز (جمعہ) کے اختتام پر انٹربینک میں امریکی ڈالر مزید 3 پیسے سستا ہو گیا۔

اس معمولی کمی کے بعد انٹربینک میں ڈالر کی قیمتِ فروخت 277 روپے 35 پیسے سے گھٹ کر 277 روپے 32 پیسے پر بند ہوئی۔ مالیاتی ماہرین کے مطابق ایکسچینج ریٹ میں یہ استحکام درآمدی ادائیگیاں متوازن رہنے اور ملک میں زرمبادلہ کی مستحکم آمد کی بدولت دیکھنے میں آ رہا ہے۔