پاکستان بمقابلہ آسٹریلیا: پہلے ٹی ٹوئنٹی کے لیے آسٹریلوی پلئینگ الیون کا اعلان

لاہور: پاکستان اور آسٹریلیا کے مابین ٹی ٹوئنٹی سیریز کے پہلے میچ کے لیے آسٹریلیا نے اپنی پلئینگ الیون کا اعلان کر دیا ہے۔

آسٹریلوی ٹیم کی قیادت ٹریوس ہیڈ کریں گے جبکہ مچل مارش کو آج کے میچ میں آرام دیا گیا ہے۔ اس میچ میں آسٹریلیا کے تین کھلاڑی بین الاقوامی ٹی ٹوئنٹی کرکٹ میں ڈیبیو کریں گے۔

ڈیبیو کرنے والے کھلاڑیوں میں میتھیو رینشا، جیک ایڈورڈز اور مالی بارڈمین شامل ہیں۔

آسٹریلیا کی پلئینگ الیون میں کپتان ٹریوس ہیڈ، میتھیو شارٹ، کیمرون گرین، میتھیو رینشا، کوپر کونلی، مچل اوون، جوش فیلپ، جیک ایڈورڈز، ژیویئر بارٹلیٹ، ایڈم زیمپا اور مالی بارڈمین شامل ہیں۔

پاکستان اور آسٹریلیا کے درمیان ٹی ٹوئنٹی سیریز کا پہلا میچ آج شام چار بجے کھیلا جائے گا۔