پہلا ٹی 20: پاکستان کا آسٹریلیا کو جیت کیلئے 169 رنز کا ہدف

لاہور: پاکستان اور آسٹریلیا کے درمیان ٹی 20 سیریز کے پہلے میچ میں پاکستان نے آسٹریلیا کو جیت کے لیے 169 رنز کا ہدف دیا۔ قذافی سٹیڈیم میں ہونے والے میچ میں پاکستان کے کپتان سلمان علی آغا نے ٹاس جیت کر پہلے بیٹنگ کا فیصلہ کیا۔

قومی ٹیم نے مقررہ 20 اوورز میں 8 وکٹوں کے نقصان پر 168 رنز بنائے۔ اننگز کا آغاز صاحبزادہ فرحان اور صائم ایوب نے کیا، تاہم صاحبزادہ فرحان پہلی ہی گیند پر آؤٹ ہوگئے۔ صائم ایوب اور کپتان سلمان علی آغا نے ذمہ دارانہ بیٹنگ کرتے ہوئے ٹیم کا مجموعی سکور 74 رنز کی شراکت کے ساتھ آگے بڑھایا۔

صائم ایوب 40 رنز بنا کر کیچ آؤٹ ہوئے جبکہ سلمان علی آغا 39 رنز بنا کر پویلین لوٹے۔ بابر اعظم 24 رنز بنا کر آؤٹ ہوئے، جبکہ فخر زمان 10، عثمان خان 18، شاداب خان 1 اور شاہین شاہ آفریدی بغیر کوئی رن بنائے پویلین واپس گئے۔

آسٹریلیا کی جانب سے ایڈم زیمپا نے 4 وکٹیں حاصل کیں جبکہ زیویئر بارٹلیٹ اور ماہلی بیئرڈ نے 2، 2 وکٹیں حاصل کیں۔ آسٹریلوی ٹیم کی قیادت ٹریوس ہیڈ کر رہے ہیں۔

پاکستان کی پلئینگ الیون میں صائم ایوب، صاحبزادہ فرحان، سلمان علی آغا، بابر اعظم، فخر زمان، عثمان خان، شاداب خان، محمد نواز، شاہین آفریدی، سلمان مرزا اور ابرار احمد شامل ہیں۔