پاکستان سٹاک مارکیٹ میں ٹریڈنگ کا مثبت زون میں آغاز

پاکستان اسٹاک مارکیٹ میں کاروباری ہفتے کے تیسرے روز مثبت رجحان دیکھا گیا۔

کاروبار کے آغاز کے ساتھ ہی سٹاک ایکسچینج میں تیزی دیکھی گئی اور 700 سے زائد پوائنٹس کے اضافے کے بعد ہنڈرڈ انڈیکس ایک لاکھ 82 ہزار 936 پوائنٹس کی سطح پر پہنچ گیا۔

واضح رہے کہ گزشتہ کاروباری دن کے اختتام پر ہنڈرڈ انڈیکس میں 186 پوائنٹس کی کمی دیکھی گئی تھی اور یہ ایک لاکھ 82 ہزار 153 پوائنٹس کی سطح پر بند ہوا تھا۔تاجروں اور ماہرین کا کہنا ہے کہ مارکیٹ میں اس مثبت رجحان کی وجہ کمپنیوں کے مضبوط نتائج اور سرمایہ کاری کے لیے بہتر ماحول ہے، جس سے سرمایہ کاروں کا اعتماد بحال ہوا ہے